Heptateuchos

Cyprianus Gallus

Cyprianus Gallus. Cypriani Galli Poetae Heptateuchos (Corpus Scriptorum Ecclesiasticorum Latinorum, Volume 23). Peiper, Rudolf, editor. Prague; Vienna; Leipzig: Tempsky, Freytag, 1891.

  1. Haec inter dominus lesum dignatus adire
  2. promittit ualidis sublimem confore donis, [*]( 2 )
  3. admonitum transire uadum Iordanis amoeni
  4. castraque metata hostili inponere ripae;
  5. utque nouas sedes terrarum in parte reposta [*]( 6)
  6. constituat plebemque locis disponat opimis.\' [*]( 4 )
  7. quin etiam gentes distincto ex nomine noscit
  8. monte tenus magno, quem Libanon incola dicit.
  9. usque tuas. prono qui laberis agmine, ripas.
  10. Euphrates. Syrio disiungens limite Persas,
  11. uel mare, quod tumidum uentosis fluctuat undis. [*]( 5 )
  12. nam praeter eximium conserta in proelia robur,
  13. terrorem late populis pallentibus indens,
  14. Iudaicus miles domini tutamine fidit.
  15. cui meritum insigne dominus largitus ab astris
  16. praestitit. ut caperet dites sine uulnere terras. [*]( 7 )
  17. "Heia age uiriles, deus intonat, arripe curas,
  18. ut populus donata sibi mox regna capessat. [*]( 8 )
  19. legiferoque simul uisus ne dimoue libro.
  20. ut domino tutus numquam uiduere perenni." [*]( 10 )