Heptateuchos
Cyprianus Gallus
Cyprianus Gallus. Cypriani Galli Poetae Heptateuchos (Corpus Scriptorum Ecclesiasticorum Latinorum, Volume 23). Peiper, Rudolf, editor. Prague; Vienna; Leipzig: Tempsky, Freytag, 1891.
- per tacitam noctem feruentes ebibit undas
- siccauitque fretum, medius ut trames apertus
- panderet inlaesum patefacto in aequore cursum,
- cum bibulas refugus nudasset pontus harenas. [*]( 22 )
- ergo ubi festinum pelagus discesserat, illos [*](540)
- curuata in montis faciem circumstetit unda
- accepitque sinu patulo misitque per altum. [*]( 23 )
- quod licitum credens Pharao, dum comminus instat, [*]( 25 )
- ingreditur calcatque salum; sed tarda repente
- plaustra gemunt totoque in terram pectore proni [*](545)
- cornipedes genibus nequiquam pondera trudunt.
- quae penitus uincto nequibant axe moueri.
- illicet exsangues inmensaque compede uincti
- festinam temptare fugam rursumque reuerti [*]( 468 uirum] u ex o ? C sese J M. C aufert AC offert a 469 que om. A 470 lumine A 472 de sede ds C desedens..... (spatio 6-6 litt. uacuo) A 473 pax C nox A 476 et om. C plia C 477 hinc] huc A uirgam p uirga AC 478 iusere A supcrnae AC 479 desectare A fretum om. A paratum est A 481 ebibitJ biberet A 482 fretum] fluctum A medium ut tramis A 483 cursus A 484 arenas A 485 discenderat A 486 montis] motibus A 487 accipit C 488 pharaon A cdminus C conminus A 489 calcatique solum A 492 penditur A 498 illicet C cftpede C conpede A 494 festinant n teintare A )
- nitentes uano stimulant terrore iugales. [*](550)[*]( 27 )
- his aliud maius miseris multoque tremendum
- ingeritur magis et sensus adfligit inertes.
- namque fretum dubios solitum conlidere fluctus
- discretas coniunxit aquas undasque tumentes
- miscuit et totam fundo demersit Aegyptum. [*](555) [*]( 31 )
74