Heptateuchos

Cyprianus Gallus

Cyprianus Gallus. Cypriani Galli Poetae Heptateuchos (Corpus Scriptorum Ecclesiasticorum Latinorum, Volume 23). Peiper, Rudolf, editor. Prague; Vienna; Leipzig: Tempsky, Freytag, 1891.

  1. mittatur caelo, multis uariata periclis. [*](235)[*](21)
  2. quin etiam fuerit cum facta licentia uobis, [*](22)
  3. ut iussum carpatis iter, tum femina poscat
  4. uicinam notamue sibi, quae diuite censu
  5. Aegyptus nunc mollis habet, petitaque sumat,
  6. ut legio informes heremi ducenda per agros [*](240)
  7. nobilibus spoliis uacuatam linquat Aegyptum..
  8. [*]( 1 ) Post haec signa petit uates, quae forte labantes
  9. confirmare queant animos, si lumine cerni
  10. non credant potuisse deum tam candida fantem., [*]( 8 )
  11. praecipitur lentam propere dimittere uirgam [*](245)
  12. et laxare manu; quam postquam terra recepit,
  13. spumeus in spiram tractu se colligit anguis [*]( 4 )
  14. terrorem incutiens proceri; quem prendere cauda
  15. iussus in antiquam redigit reuocatque figuram. [*]( 6 )
  16. inde manum sinibus condens candore niuali [*](250) [*]( 7 )
  17. protulit, atque iterum tectam deprompsit: et olli
  18. in speciem leuoluta suam. tum deinde monetur, [*]( 9 )
  19. haec si parua forent, sumptam de flumine lympham
  20. fundere et albentem rubro mutare cruore. [*]( 10 )