Panegyricus dictus Probino et Olybrio consulibus

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. noverat intactum vitio servare rigorem.
  2. hic non divitias nigrantibus abdidit antris
  3. nec tenebris damnavit opes; sed largior imbre
  4. sueverat innumeras hominum ditare catervas.
    5. v.1.p.6
  5. quippe velut denso currentia munera nimbo
  6. cernere semper erat, populis undare penates,
  7. adsiduos intrare inopes, remeare beatos.
  8. praeceps ilia manus fluvios superabat Hiberos
  9. aurea dona vomens (sic vix 1 tellure revulsa
  10. sollicitis fodiens miratur collibus aurum),
  11. quantum stagna Tagi rudibus stillantia venis
  12. effluxere decus, quanto pretiosa metalli
  13. Hermi ripa micat, quantas per Lydia culta
  14. despumat rutilas dives Pactolus harenas.
  15. Non, mihi centenis pateant si vocibus ora
  16. multifidusque ruat centum per pectora Phoebus,
  17. acta Probi narrare queam, quot in ordine gentes
  18. rexerit, ad summi quotiens fastigia iuris
  19. venerit, Italiae late cum frena teneret
  20. Illyricosque sinus et quos arat Africa campos.