Panegyricus dictus Probino et Olybrio consulibus

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. oppressam tenuere diu; mox incohat ore:
  2. “Respice, si tales iactas aluisse fluentis,
  3. Eurota Spartane, tuis. quid protulit aequum
  4. falsus olor, valido quamvis decernere caestu
  5. noverit et ratibus saevas arcere procellas .''
  6. en nova Ledaeis suboles fulgentior astris,
  7. ecce mei cives, quorum iam Signifer optat
  8. adventum stellisque parat convexa futuris.
  9. iam per noctivagos dominetur Olybrius axes
  10. pro Polluce rubens, pro Castore flamma Probini.
    11. v.1.p.20
  11. ipsi vela regent, ipsis donantibus auras
  12. navita tranquillo moderabitur aequore pinum.
  13. nunc pateras libare deis, nunc solvere multo