de consulatu Stilichonis
Claudian
Claudian, Volume 1-2. Platnauer, Maurice, editor. Harvard University Press: Cambridge, MA; London, England, 1922.
- Opis frena tenet, fert retia rara Lycaste
- auratasque plagas, inmortalesque Molossi
- latrantes mediis circum iuga nubibus ibant.
- quinque aliae paribus (Phoebe sic iusserat) armis
- diversa regione ruunt ducitque cohortem
- quaeque suam. variae formis et gente sequuntur
- ingenioque canes, illae gravioribus aptae
- morsibus, hae pedibus celeres, hae nare sagaces,
- hirsutaeque fremunt Cressae tenuesque Lacaenac
- magnaque taurorum fracturae colla Britannae.
- Dalmatiae lucos abruptaque brachia Pindi
- sparsa comam Britomartis agit. tu Gallica cingis
- lustra, Leontodame, Germanorumque paludes
v.2.p.64