de bello Gildonico

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. Redditus imperiis Auster subiectaque rursus
  2. alterius convexa poli, rectore sub uno
  3. conspirat geminus frenis communibus orbis.
  4. iunximus Europen Libyae. concordia fratrum
  5. plena redit. patriis solum quod defuit armis,
  6. tertius occubuit nati virtute tyrannus.
  7. horret adhuc animus manifestaque gaudia differt,
  8. dum stupet et tanto cunctatur credere voto.
  9. necdum Cinyphias exercitus attigit oras:
  10. iam domitus Gildo. nullis victoria nodis
  11. haesit, non spatio terrae, non obice ponti.
  12. congressum profugum captum vox nuntiat una
  13. rumoremque sui praevenit laurea belli,
  14. quo, precor, haec effecta deo? robusta vetusque
  15. tempore tam parvo potuit dementia vinci?
  16. quem veniens indixit hiems, ver perculit hostem.
    17. v.1.p.100
  17. Exitium iam Roma timens et fessa negatis
  18. frugibus ad rapidi limen tendebat Olympi
  19. non solito vultu nec qualis iura Britannis
  20. dividit aut trepidos summittit fascibus Indos.