Carminum minorum corpusculum
Claudian
Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.
- conspicuus reges inter fulgeret Achivos.
- ipsa manu chlamydes ostro texebat et auro,
- frenaque, quae volucrem Xanthum Baliumque decerent,
- aequore quaesitis onerabat sedula gemmis.
- At tibi diversis, princeps altissime, certant
- obsequiis soceri. Stilicho Mavortia confert
- munera, barbaricas strages Rhenique triumphos.
- reginae contenta modum servare Serena
- in tua sollicitas urget velamina telas.
v.2.p.274
- O felix sonipes, tanti cui frena mereri
- numinis et sacris licuit servire lupatis,
- seu tua per campos vento iuba lusit Hiberos,