Carminum minorum corpusculum

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. umida flammarum regio : Vulcania terrae
  2. ubera, sulphureae fervida regna plagae.
  3. quis sterilem non credat humum ? fumantia vernant
  4. pascua ; luxuriat gramine cocta silex
  5. et, cum sic rigidae cautes fervore liquescant,
  6. contemptis audax ignibus herba viret.
  7. Praeterea grandes effosso marmore sulci
  8. saucia longinquo limite saxa secant.
    9. v.2.p.218
  9. Herculei (sic fama refert) monstratur aratri
  10. semita, vel casus vomeris egit opus.
  11. in medio pelagi late flagrantis imago
  12. caerulus inmenso panditur ore lacus
  13. ingenti fusus spatio ; sed maior in altum
  14. intrat et arcanae rupis inane subit :
  15. densus nube sua tactuque inmitis et haustu,
  16. sed vitreis idem lucidus usque vadis.
  17. consuluit natura sibi, ne tota lateret,
  18. admisitque oculos, quo vetat ire calor :
  19. turbidus impulsu venti cum spargitur aer
  20. glaucaque fumiferae terga serenat aquae,