Carminum minorum corpusculum
Claudian
Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.
- quae iam rabies livoris erit ?
- vel quis dabitur color invidiae ?
- Stilicho socer est, pater est Stilicho.
- Urbs in conspectu montana cacumina velat
- tranquillo praetenta mari. ducentia portum
- cornua pacatas removent Aquilonibus undas.
- hic exarmatum terris cingentibus aequor
- clauditur et placidam discit servare quietem.
v.2.p.176
- Quidquid Castalio de gurgite Phoebus anhelat,
- quidquid fatidico mugit cortina recessu,
- carmina sunt ; sed verba negant communia Musae.
- carmina sola loquor : sic me meus implet Apollo.