Epistulae imperatorum pontificum aliorum
Catholic Church. Pope
Catholic Church. Pope. Epistulae imperatorum pontificum aliorum (Corpus Scriptorum Ecclesiasticorum Latinorum, Volume 35, Pars 1-2). Günther, Otto, editor. Vienna: Gerold, 1895-1898.
beatissimorum uero apostolorum Petri et Pauli sanctuaria, sicut religiosissimo quaesistis affectu, per harum portitorem sub omni ueneratione transmisimus, optantes. orationibus eorum mentis uestrae oblatio et desideria gratiae sint diuinitatis accepta.
petimus quoque, ut tam de his, quae geruntur pro concordia, quam de incolomitatis uestrae bono nuntietis sollicitudini nostrae gaudium currente pagina litterarum. Data IIII. Nonas Septb. Eutharico cons.
Quicquid est cautius, quicquid firmius. ut pro sancta fide et concordia sacrarum ecclesiarum geratur, optamus. unde ad beatitudinem uestram et frater noster gloriosissimus Uitalianus per Paulinum u. s. defensorem uestrae ecclesiae rescripsit et nos per eundem significare curauimus illa debere beatitudinem uestram perficere, quae pacem et concordiam sanctis concedant ecclesiis.