Epistulae imperatorum pontificum aliorum

item dicendum: si haeretici non sunt, quomodo tanta sacramenta confecerunt, ut canistra plena omnibus erogarent, ne imminente, sicut dicebant, persecutione communicare non possint? item: si haeretici non sunt, posteaquam accusati sunt gestis a Candido u. s. uicario magistri militum praetorianorum in iudicio praefectorum et sibi maturum periculum cognoscerent adfuturum, quare denuo tamquam damnandi, uelut subuenire iterum paruulis cupientes, tanta rursum et confutati exercuerunt baptismata, ut uere cunctis se haereticos ostendissent? ad quam rem satis et magnifica potestas praefectorum grauissime indignata est.

item: si haeretici non sunt, quomodo, cum in baptisterio absconsi essemus, consilio inter se habito per noctem uelut de periculo liberare nos uolentes in naue mittere uoluerunt, ut hac occasione mari praecipites darent, cumque nos respondissemus per Demetrium et Andream diacones \'omnes nos apud uos esse cognoscunt: quomodo per noctem nauigare possumus? sed si uere pro nostra salute consuletis, crastina die secrete quinque uel sex senatores, qui periculum substantiae uel salutis suae metuunt, una cum magistri militum uicario Candido comite iubeatur aduocare: cognoscant et ipsi, ubi transferimur, et facimus quod iubent; sin autem soli secretim, hoc non facimus\\ tunc illi non inuenientes effectum [*]( 1 ciuitatem p 2 hic Thiel, sed cf. suprap. 642,18 3 fort. posset 6 morerenturo2: memorantur V ad add. 02 pasca V 9 conficerunt V 9 sq. imminens.. persecutio V, corr. o2 10 possent cod. Angelic. 11 acusati V 12 praetorianorum Bar.: pt (~ praeter) V 19 absconditi o consilium.. habitum V, corr. Thiel 20 naui o 24 consulitis Car. 27 iubeat V, correxi: iubete 02 28 iubetis Thiel 29 effectu V, corr. Car. )

DOMINO SANCTO MERITIS BEATISSIMO ET APOSTOLICO DOMNO PATRI PAPAE HORMISDAE IUSTINIANUS. Propitia diuinitate, quae semper ecclesiam catholicam per incrementa fidei instituit, unitas sanctarum ecclesiarum pro doctrina et auctoritate apostolatus uestri prouenit.

sed quoniam comperimus quosdam nomine monachos, quibus magis discordia studio est quam caritas et pax dei, cupientes quaedam perturbare ad angelum uestrum hinc descendentes iter arripuisse: quos beatitudo uestra praesentibus scriptis causam liuoris eorum cognoscens ita, ut merentur, suscipere et a se longe pellere dignetur, quoniam uaniloquia ipsorum festinantium nouitates introducere in ecclesia, quod neque quattuor synodi uenerabiles neque sancti papae Leonis epistolae continere noscuntur, in omni loco turbas excitare uidentur: