Epistulae imperatorum pontificum aliorum

HORMISDA IOHANNI EPISCOPO CONSTANTINOPOLITANO. Reddidimus quidem, frater, congruum litteris tuis sub ecclesiastica libertate responsum et, quid in his gratulati fuerimus insertum, quid taciturnitate praeteritum, euidenter expressimus, ac licet cuncta sensibus tuis nunc crebra legatio, nunc uSu in ecclesia diuturnae conuersationis tuae uetustas infuderit, iuuat tamen adhuc latius aperire nostrum repetita <ra>tione consilium, quia tunc bene de fidei firmitate disseritur, quando simplicibus uerbis conciliandae pacis cupiditas explicatur.

t desideria quippe tua, quibus te ad ecclesiasticam testaris festinare concordiam, ut haberent partes illae, semper optauimus nec sola uotorum ambitione contenti usi etiam precibus sumus. uestro sunt haec et mundi testimonio roborata, quae loquimur, quia ut catholicae unitatis reparatio fiat, auctoritatem nostram intemerata fidei integritate submittimus. inclinet orationibus nostris aurem suam diuina miseratio, ut quod creditis postulandum, sequamini et ametis oblatum.

nobis una causae sollicitudo, una custodia est ita pacem cupere, ut sic religionis, sic uenerabilium patrum constituta seruentur; quoniam quae inter se consona credulitate non discrepant, aequum est, ut simili obseruatione subsistant.

sed cur diutius immoramur? scis [*]( 3 ioLs V, corr. 0 5 fabor V secundum a: fecundum ut uidetur V ) [*](150. Dat. ut ep. 148. Edil. Car. 12 485; Bar. ad a. 519, 18; Collect. Concil.; BTA I 418; Thiel 845. 8 IONANXI V 11 ac o1: hac V 14 adhuctacius V, sed t in 1 correcta uidetur repetita ratione o1: repetitacione V 15 dissceritur V 18 seper V uotum V, corr. Car. 19 uestra V, corr. 02 20 ut p2: et V 21 intemeratae Bar. 28 scis o2: sis V )

haec si placent, Acacii defensio damnati non placeat: hoc est, quod boni studii a perfectione uota suspendit. sic sunt enim illa aduersum dei et legis eius inimicos uenerabilium patrum congregatione disposita, ut quisquis eos communione sequeretur, iam tunc latam subiret in sua damnatione sententiam. non sunt igitur noua, quae constanter exsequimur, sed temporibus illis facta iudicia iusta patrum constitutione seruamus.

hortamur itaque, frater, et mentem tuam dei nostri misericordia adiuuante pulsamus, ut ab omni te haereticorum contagione Acacium cum sequacibus suis condemnando disiungens una nobiscum dominici corporis participatione pascaris. si nobiscum uniuersa praedicas, cur nobiscum non uniuersa condemnas? tunc enim nobiscum, quae ueneramur, amplecteris, si nobiscum, quae detestamur, horrueris. pax integra nescit aliquam habere distantiam et unius dei uera esse non potest nisi in confessionis unitate cultura.

quapropter salutantes te fraternae caritatis affectu petitionem tuam missis, sicut sperasti, religiosissimis uiris Germano et Iohanne episcopis, Felice diacono, Dioscoro diacono atque Blando presbytero signamus esse completam. hi uero quibus fuerint mandatis instructi, ante allegationes eorum, si cogites, euidenter agnosces. hi pacem tuam sub ea, qua saepe rescripsimus, professione suscipient.

imple ergo, frater karissime, gaudium nostrum et tuum ad nos per eos rectae fidei tuae remitte praeconium, ut per te uniuersis detur exemplum. [*]( 1 scia o1: sis V 3 quem pJ: quo V 7 sic scripsi: si V 8 ila V 9 <in> communione 02 12 costitucione V 16 poscaris V, corr. o 19 nesit V, corr, a 23 sq. Germanum et Iohannem episcopos Felicem diaconum Dioscorum diafi atque Blandum presbyterum V, corr. pa 24 significamus p2 completa V, corr. p 26 agnosses V )

HORMISDA IOHANNI EPISCOPO CONSTANTINOPOLITANO. Ea, quae caritas tua destinatis litteris significauit, agnouimus et gratulamur ad conscientiam nostram fidei tuae indicia peruenisse, optantes, ut intentioni tuae, quam rectam esse cupimus, plenum deus noster circa ecclesiasticam pacem concedere dignetur effectum. cuius spem animo supernae maiestatis assumpsimus, quia imperatorem serenissimum ad hoc prouidentia diuina iudicamus electum, ut per eum ecclesiarum redintegratio tantis temporibus desiderata proueniat.

quapropter licet, quae pro fidei unitate facienda sunt, tuae caritatis notitiam latere non possit, legatos tamen direximus, quos ratio causae poscebat, quibus hortantibus et quae iam pridem a nobis significata et quae nuper itera<itera> sunt, ad effectum domino nostro auctore perueniant.

HORMISDA CELERI ET PATRICIO A PARI. Quamuis pro loci nostri consideratione de causa fidei catholicae minime tacere possimus, tamen ad hanc partem serenissimus princeps magnopere directis affatibus nostrum incitauit studium, pro cuius legatos uoluntate direximus.

et quia huiusmodi causa filiorum ecclesiae subleuari debet auxilio, salutantes cultu atque honorificentia competenti poscimus, ut pro ecclesiastica pace allegationes eorum, qui directi sunt, apud animos serenissimi principis adiuuetis. siquidem celsitudinis uestrae laborem non [*]( lol. Dat. [simul cum ep.154) a. 519 mense Ianuario exeunte uel Februario ineunte; respondet epistulae Iohannis deperditae circa finem a. 518 (certepost diem 7 Sept.) scriptae. Edd. Car. 12 486; Bar. ad a. 519, 21; Collect. Concil.; BTA I 419; Thiel 849. 2 CONSTANTP V in fine foUi 129; nouus librarius inde a fol. 130 incipiens initio eius et ipse totum titulum HOHXISDA IOANNI BPO CONSTANTINOPO repetit 12 noticia F, corr. p2 possint 0 13 ortantibus F 14 itera V, corr. 0 ) [*]( 152. Dat. ut ep. 148. Edd. Car. 12 488; Bar. ad a. 519, 28; Collect. Concil.; BTA I 420; Thiel 847. 17 PAEI F (= paribus ?) 20 afatibus V 22 salutantes <uos/ Bar. 23 possimus F, corr. p5 )

HORMISDA PRAEFECTO PRAETORIO THESSALONICENSI ET CETERIS ILLUSTRIBUS A PARI. Licet pro causa ecclesiastica numquam sollicitudo nostra cessauerit, tamen imperatoris serenissimi sacris affatibus promptius incitati legatos cum caelestis misericordiae fauore direximus, quorum officio bona, quae de principis mente praesumimus, impleantur.

et ideo salutantes amplitudinem uestram cultu et honore, quo dignum est, poscimus, ut pro redintegratione fidei uestrum commodetis studium nec tantis fidelium tardari uota temporibus permittatis, quia non est dubium celsitudinem uestram fructum tantae laudis acquirere, si per eam, quae ab omnibus bonis optantur, dei nostri misericordia operante proueniant.