Epistulae imperatorum pontificum aliorum

possumus ex hoc dono uerbi procedentem longius proferre sermonem, sed satis esse credimus per deum nostrum eruditae clementiae uestrae strictis supplicare suggestionibus sperantes, ut laborem curamque pastoralis officii uenerabilium decessorum uestrorum Marciani et Leonis formam secuti etiam principalis potentiae participatione fulciatis. habebitis deo propitio spem de uictoriis non iacentem, si pontificalem contra diaboli subreptiones congressionem pacifica ad decertandum instructione muniatis.

numquam in sanctarum ecclesiarum memoria Dioscori, participis Eutychetis, Timothei et Petri parricidarum commemoratio reuiuescat; seruetur ab omnibus suspiciendae Calcedonensis synodi deo per uos operante definitio; Acacius Petri tenebrarum filii communione pollutus habeat participes, quos delegit, qui etiam inter suos excessus nec de Petro Antiocheno et complicibus eius nitidum se esse perpessus est; cessent maledicta piis sanctae [*]( 4 Ioh. 19, 37 12 Luc. 24, 38 sq. ) [*]( 1 hebitudo V, corr. Car.: habitudo p 5 pupugerunt o2: pugnauerunt V 9 ut scripsi: in V Iii praecedentem Car. 18 dominum a 21 sicuti V, corr. Bar. 24 scarum V 27 suscipiendae 0 )

in his, quae praefati sumus, sollicitudinem uestri aduocamus imperii: poterit enim pietas uestra hoc custodiens apices et sceptra sua post multos annos ad alium saeculum possidere translata.

suscipite preces nostras per Ennodium atque Fortunatum fratres et coepiscopos nostros nec non Uenantium presbyterum atque Uitalem diaconum uel Hilarum notarium filios nostros, quorum apud nos fides in dei timore studiumque perclaruit, pro uestro amore transmissas et placidam uice nostra supplicantibus conscientiam commodate!

speramus enim et de deo habentes fiduciam pollicemur studia, quae a uobis uerae religioni impensa fuerint, sine retributione et praemio non futura. Data 111. Id. Aug. Florentio u. c. cons.

Cum dei adiutorio et orationibus apostolorum uenientes in partes Graeciarum, si episcopi uoluerint occurrere, in qua decet eos ueneratione suscipite, et si uoluerint successionem parare, nolite spernere. ne indicetur a laicis nullam uos cum ipsis habere uelle concordiam.

si uero ad conuiuium uos rogare uoluerint, blanda excusatione eos declinate dicentes \'orate, ut primum illam mysticam mensam mereamur habere communem, et tunc erit uobis ista iucundior\'.

uictualia uero uel si qua alia offerre uoluerint, excepta tamen subuectione, si causa poposcerit, nolite suscipere sed taliter excusate nihil deesse dicentes, sperantes etiam, ut animos suos uobis [*]( 5 alium V: aliud Bar. possideret V, corr. 0 8 hylarum V 12 uere V ) [*]( 116. Dat. ab Hormisda legatis a. 515 die 11 Aug. Constantinopolim proficiscentibus. Edd. Car. 12 457; Bar. ad a. 515, 24; Collect. ConciL; Thiel 748. 16 INDICULV V, corr. 0 17 VITALE V, corr. p htiaro V 24 mereamur o: memoramur V 25 nobis Bar. ) [*]( 33* )