Ordo Urbium Nobilium
Ausonius, Decimus Magnus
Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.
- Hispalis,[*]() aequoreus quam praeterlabitur amnis,
- submittit cui tota suos Hispania fasces.
- Corduba non, non arce potens tibi Tarraco certat
- quaeque sinu pelagi iactat se BRACARA dives.
- NUNC et terrigenis patribus memoremus Athenas,
- Pallados et Consi quondam certaminis arcem,
- paciferae primum cui contigit arbor olivae,
- Attica facundae cuius mera gloria linguae,
- unde per Ioniae populos et nomen Achaeum
- versa Graia manus centum se effudit in urbes.
v.1.p.278
- QUIS CATINAM sileat? quis quadruplices Syracusas?
- hanc ambustorum fratrum pietate celebrem,
- illam conplexam miracula fontis et amnis,
- qua maris Ionii subter vada salsa meantes
- consociant dulces placita sibi sede liquores,
- incorruptarum miscentes oscula aquarum.
- NON umquam altricem nostri reticebo Tolosam,
- coctilibus muris quam circuit ambitus ingens