Ludus Septem Sapientum

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. meditanda cunctis comicus Terentius. 1
  2. locare sedes, bellum gerere aut ponere,
  3. magnas modicasque res, etiam parvas quoque
  4. agere volentem semper meditari decet.
  5. nam segniores omnes in coeptis novis,
  6. meditatio si rei gerendae defuit.
  7. nil est, quod ampliorem curam postulet,
  8. quam cogitare, quid gerendum sit. dehinc
  9. incogitantes fors, non consilium regit.
  10. Sed ego me ad partes iam recipio, plaudite,
  11. meditando et vestram rem curetis publicam.