[Libri de Fastis] Conclusio

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. IGNOTA aeternae ne sint tibi tempora Romae,
  2. regibus et patrum ducta sub imperiis,
  3. digessi fastos et nomina praepetis aevi,
  4. sparsa iacent Latiam si qua per historiam,
  5. sit tuus hic fructus, vigilatas accipe noctes:
  6. obsequitur studio nostra lucerna tuo.
  7. tu quoque venturos per longum censere Ianos,
  8. ut mea digessit pagina praeteritos.
  9. exemplum iam patris habes, ut protinus 3 et te
  10. adgreget Ausoniis purpura consulibus.
    11. v.1.p.350
  1. NOSTRUM
  2. ANNIS undecies centum coniunge quaternos,
  3. undecies unumque super trieterida necte.
  4. haec erit aeternae series ab origine Romae.
  1. HACTENUS adscripsi fastos, si sors volet, ultra
  2. adiciam: si non, qui legis, adicies,
  3. scire cupis, qui sim? titulum, qui quartus ab imo est,
  4. quaere: leges nomen consulis Ausonii.
  1. urbis ab aeternae deductam rege Quirino
  2. annorum seriem cum, Procule, accipies,