Genethliacon ad Ausonium Nepotem

Ausonius, Decimus Magnus

Ausonius, Decimus Magnus. Ausonius, Volume 2. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1921.

  1. carmina prima tibi eum iam puerilibus annis
  2. traderet adsidui permulcens cura magistri
  3. inbueretque novas aures sensusque sequaces,
  4. ut respondendas docili quoque murmure voees
  5. emendata rudi perferret lingua palato,
  6. addidimus nil triste senes, ne cura monendi
  7. laederet aut dulces gustus vitiaret amaris.
  8. at modo, cum motu vigeas iam puberis aevi
  9. fortiaque a teneris possis secernere et ipse
  10. admonitor morumque tibi fandique videri,
  11. accipe non praecepta equidem, set vota precantis
  12. et gratantis avi festum ad sollemne nepotis.
  13. adnuit, ut reducem fatorum ab fine senectam
  14. sospes agam festumque diem dubitataque cernam
  15. sidera, deposito prope conclamatus in aevo.
  16. hoc, mellite nepos, duplicato faenore partum
  17. natali accedente tuo, munusque salutis
  18. plenius hoc nostrae, quod iam tibi puberis aevi
  19. crescit honos iuvenemque senex iam cerno nepotem.
  20. Sexta tibi haec primo remeat trieteris ab anno,