Epistulae

Ausonius, Decimus Magnus

Ausonius, Decimus Magnus. Ausonius, Volume 2. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1921.

  1. quo modicus sociis magno contendit habenis.
  2. dulcis amicitia aeterno mihi foedere tecum
  3. et paribus semper redamandi legibus aequat.
  4. hoc nostra cervice iugum non scaeva resolvit
  5. fabula, non terris absentia longa diremit,
  6. nec perimet, toto licet abstrahar orbe vel aevo.
  7. numquam animo divisus agam: prius ipsa recedet
  8. corpore vita meo, quam vester pectore vultus.
  9. Ego te per omne quod datum mortalibus
  10. et destinatum saeculum est,
  11. claudente donec continebor corpore,
  12. discernar orbe quamlibet,
  13. nec orbe longe nec remotum lumine
  14. tenebo fibris insitum:
  15. videbo corde, mente complectar pia
  16. ubique praesentem mihi.
  17. et cum solutus corporali carcere
  18. terraque provolavero,
  19. quo me locant axe communis pater,
  20. illic quoque animo te geram;