Epigrammaton Liber

Ausonius, Decimus Magnus

Ausonius, Decimus Magnus. Ausonius, Volume 2. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1921.

  1. nunc tibi amoris adest copia, fructus abest.
    2. v.1.p.212
  1. QUID non ex huius forma pateretur amator,
  2. ipse suam qui sic deperit effigiem?
  1. COMMORITUR, Narcisse, tibi resonabilis Echo,
  2. vocis ad extremos exanimata modos:
  3. et pereuntis adhuc gemitum resecuta querellis.
  4. ultima nunc etiam verba loquentis amat.
  1. MERCURIO genitore satus, genetrice Cythere.
  2. nominis ut mixti, sic corporis Hermaphroditus.
  3. concretus sexu, sed non perfectus, utroque:
  4. ambiguae Veneris, neutro potiendns amori.
  1. HERMAPHRODTTO
  2. SALMACIS optato concreta est nympha marito.
  3. felix virgo, sibi si scit inesse virum:
  4. et tu formosae, iuvenis, permixte puellae
  5. bis felix, unum si licet esse duos.
  1. PONE arcum, Paean, celeresque reconde sagittas:
  2. non te virgo fugit, sed tua tela timet.
    3. v.1.p.214
  1. INVIDE, cur properas. cortex, operire puellam:
  2. laurea debetur Phoebo, si virgo negatur.