Epigrammaton Liber

Ausonius, Decimus Magnus

Ausonius, Decimus Magnus. Ausonius, Volume 2. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1921.

  1. UBERA quid pulsas frigentia matris aenae,
  2. o vitule, et sucum lactis ab aere petis?
  3. hunc quoque praestarem, si me pro parte parasset
  4. exteriore Myron, interiore deus.
  1. DAEDALE, cur vana consumis in arte laborem?
  2. me potius clausa subice Pasiphae.