Epigrammaton Liber

Ausonius, Decimus Magnus

Ausonius, Decimus Magnus. Ausonius, Volume 2. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1921.

  1. INVENTOR primus Cynices ego. “Quae ratio istaec
  2. Alcides multo dicitur esse prior.”
  3. Alcida quondam fueram doctore secundus:
  4. nunc ego sum Cynices primus, et ille deus.
  1. DISCIPULUS melior nulli meliorve magister
  2. εἰσ ἀρετὴν συνέβη καὶ Κυνικὴν σοφίην.
  3. dicere me novit verum, qui novit utrumque,
  4. καὶ θεὸν Ἀλκείδην, καὶ κύνα Διογένην.
    5. v.1.p.186
  1. OGYGIDAE 1 me Bacchum vocant,
  2. Osirin Aegypti putant,
  3. Mysi Phanacen nominant,
  4. Dionyson Indi existimant,