De Bissula

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. CARMINIS incompti tenuem lecture libellum,
  2. pone supercilium,
  3. seria contractis expende poemata rugis:
  4. nos Thymelen sequimur.
  5. Bissula in hoc scedio cantabitur, haut Erasinus:
  6. admoneo, ante bibas,
  7. ieiunis nil scribo; meum post pocula si quis
  8. legerit, hic sapiet.
  9. sed magis hic sapiet, si dormiet et putet ista
  10. somnia missa sibi.