Res Gestae
Ammianus Marcellinus
Ammianus Marcellinus. Ammianus Marcellinus, with an English translation, Vols. I-III. Rolfe, John C., editor. Cambridge, MA; London: Harvard University Press; W. Heinemann, 1935-1940 (printing).
Ex his quidam cum salutari pectoribus oppositis coeperint,[*](coeperint, Novák; coeperunt, V (first e from p).) osculanda capita in modum taurorum minacium obliquantes, adulatoribus offerunt genua ,[*](genua suavianda, AG; genas sauiandas, Niemeyer; genia etuianda, V.) vel manus, id illis sufficere ad beate vivendum existimantes, et abundare omni cultu humanitatis peregrinum putantes, cuius forte etiam gratia sunt obligati, interrogatum, quibus thermis utatur aut aquis, aut ad quam successerit domum.
Et cum ita graves sint et cultores virtutum, (ut putant) si undelibet equos aut aurigas quendam didicerint nuntiasse, ita imminent eidem et[*](ita sollerter imminent eidem et, Her., uelociter imminent, uident, Val.; italos terhiminent uident, V.) percunctantur, ut Tyndaridas fratres eorum suspexere maiores, cum priscis illis victoriis indicatis gaudio cuncta complessent.
Horum domus otiosi quidam garruli frequentant, variis assentandi figmentis, ad singula ulterioris[*](ulterioris, Haupt; altioris, G; uiterieris, V.) fortunae verba plaudentes, parasitorum in comoediis facetias[*](facetias, Val.; adsentationes facetas, Haupt; cemoediis (lac. 8 letters) etas, V.) affectando. Ut enim illi sufflant milites
Poscuntur etiam in conviviis aliquotiens trutinae, ut appositi pisces et volucres ponderentur, et glires, quorum saepius replicata,[*](replicata, Val.; delicata, G; saepius (lac. 2 letters) licata, V.) non sine taedio praesentium, ut inusitata, laudatur assidue, maxime cum haec eadem numerantes, notarii triginta prope assistant, cum thecis et pugillaribus tabulis, ut deesse solus magister ludi litterarii videretur.
Quidam detestantes ut venena doctrinas, Iuvenalem et Marium Maximum curatiore studio legunt, nulla volumina praeter haec in profundo otio contrectantes, quam ob causam non iudicioli est nostri.
Cum multa et varia pro amplitudine gloriarum et generum lectitare deberent, audientes destinatum poenae Socratem, coniectumque in carcerem, rogasse
Ita autem pauci sunt inter eos severi vindices delictorum ut, si aquam calidam tardius attulerit servus, trecentis affligi verberibus iubeatur: si hominem sponte occiderit propria, instantibus plurimis, ut damnetur ut reus,[*](ut reus, Clark; iremus, V, deleted by Novák; iratus, Kiess.) dominus hactenus exclamabit:[*](exclamabit, Clark, c.c.; exclamet, Val., C. F. W. M., Kiessling; exclamat, V.) Quid faciat male factis famosus[*](male factis famosus, Novák; ma (lac. 8 letters) mosus, V.) et nequam? et siquid aliud eius modi[*](siquis aliud eiusmodi, Val. (si quid, Clark); siquis (lac. 15 letters) di, V.) deinceps ausus fuerit, corrigetur.[*](corrigetur, Val.; curetur, Pet.; cortu (lac. 11 letters) tis, V.)
Civilitatis[*](ciuilitatis, G; for V see note 5.) autem hoc apud eos est nunc summum,[*](summum, added by Eyssen.; uel maximum, Novák; G omits; (lac. 8 letters) m, V.) quod expedit peregrino fratrem[*](fratrem, Val.; fratres iure, G; frure, V.) interficere cuiuslibet, quam cum rogatus sit[*](quamquam rogatus (lac. 5 letters), V; quam cum rogatur, Val.; quam cum rogatus sit, Eyssen.) ad convivium excusare: defectum enim patrimonii se opimi[*](opimi, Her. (cf. xxix. 1, 43); oppido, Lind.; G omits; oppidi, V.) perpeti senator existimat, si is defuerit quem aliquotiens libratis sententiis, invitaverit semel.
Pars eorum si agros visuri processerunt longius, aut alienis laboribus venaturi, Alexandri Magni itinera se putant aequiperasse, vel Caesaris: aut si a lacu Averni lembis invecti sunt pictis