Expositio Psalmi CXVIII

Negatur his terrena diuisio, ut ipsi, dum saecularem sibi non uindicant portionem, fiant caelestis possessio; uel hoc solum nouerint possidere, hoc est fidei et deuotionis obsequium, multo ditiores quam qui possessionum suarum spatia ampla diffundunt. quantumlibet fines extendant suos, et terra deficit et mare includit insanas cupiditates et pendunt tributa maiora quam fructus sunt. at uero iste nihil sibi possidens nulli nisi deo militat, supra terram eius est portio, non eum terra deficit, non mari clauditur. cui portio deus est, totius possessor est naturae.

pro agris igitur ipse sibi satis est, habens bonum fructum qui numquam possit perire; pro domibus satis est sibi, ut sit habitatio domini et dei templum, quo nihil potest esse pretiosius. quid enim pretiosius deo aut quid deest ei uiro, qui potest dicere: non contingat mihi gloriari nisi in cruce domini nostri Iesu Christi, per quem mihi mundus crucifixus est et ego mundo? non potest in hoc princeps mundi huius sibi consortium uindicare, in quo nihil suum inuenit.

Ideoque dominus, qui uenit docere, ut fieret nobis deus portio, ait: uenit enim huius mundi princeps [*]( 6*Deut« 10, 9 SNum. 18, 20 19 cf. I Cor. 3, 16 21*GaI. 6,14 27*Ioh. 14, 30 ) [*]( 1 esse mea 0 2.6 leuui Pm1 5 portiones Na 10 iudicant dull GPmlRml \' 11 multos Nml 12 quantumlibet] add. enim Av 13 suos extendant av deficit terra N 14 cupitates GMml cupiditatis Pml et pendunt] expendunt 0 impeadunt Mm2NT pendant R fluctus sint 0 15 sibi om. a militat nisi deo 0 16 eum] cum OMOPRa 17 possessio Aml, om. N alt. est om. AGOPR 19 tibi Rml templum dei av 21 contingit Nml )

in portione mea diues sum, in portione mea potens sum. merito tales praesumo fructus istius portionis, ut salus et uita donetur. quia hoc est istius patrimonium portionis quam elegi mihi. dixit hoc claudo, et surrexit qui erat claudus ab utero matris suae. quomodo ergo Petrus poterat portionis suae damna sentire qui naturae reparabat?