Expositio Psalmi CXVIII

Ambrose, Saint, Bishop of Milan

Ambrose. Sanctii Ambrosii Opera, Pars Quinta (Corpus scriptorum ecclesiasticorum Latinorum, Volume 62). Petschenig, Michael, editor. Vienna; Leipzig: F. Tempsky; G. Freytag, 1913.

Tunc feruet carnis inlecebra, tunc temptator inludit; coquitur cibus potusque digeritur, stomachus aeger, mens somnolenta, animus occupatus est. itaque aut quiescenti calor soporis augetur aut uigilanti nondum plenior refusus uigor est, qui errorum cauere possit incursus. tunc igitur temptator adsistit, tunc retia iacit, quibus turbare mentem possit inprouidam.

tunc spiritales nequitiae tenebras offundunt, tunc omne nefas suadere contendunt, quando [*]( I*Esai. 43. 25 4-Ps. 118,62 7 ct. Luc. 6, 12 12 Ps. 118.55 16.17 Ps. 118.62 27 cf. Eph, 6, 12 ) [*]( 1 pro sum om 0 alt. ego sum era.;. R 4 timeas JIa confitearis 0 5 nocte, inquit GMNaυ6 est satis 0 8 precandum M0 9 pr. postulaMt N 11 media post alt. nocte fr. 0 sed] si Jlml surgas nocte MN aυ 13 in nocte NOP Raυ, p. 144. 23 15 qua Rm1 sederit RmZ 16 docens] add. te a 17 adiuncxit P 19 deBere peccata av 20 tempore in illo M in om. N 22 dum decoquiturO 23 sthomacns R somnulenta Am1Rm225 est uigor aυ26 adsistet Pm1 27 possit menrem av inpauidam 0 spiritalis NPT 28 offendunt Mm1NPm1 )

179

nullus culpae arbiter, nullus criminis conscius, nullus potest esse testis erroris. tunc uarias disceptationes pectori dormitantis infundunt, ut primo de statu mentis deiciant reluctantem et aliquorum qui sancti habentur proponatur exemplum, quod illi aliquando deliquerint, sed postea ueniam sint adepti et texerint superiora delicta.

nam etsi omnem emendationem nostri inimicus exosus sit, tamen ad tempus, ut sobriae mentis uirum possit elidere, praetendit futuram indulgentiam, ut praesentia peccata persuadeat, et, cum inpulerit aliquem ad erroris adsensum, si uiderit eum iam non amore uirtutis a culpa, sed poenae contemplatione reuocari, inserit uarias disceptationes, ut dicat sibi: \'quis me uidet? tenebrae circumdant me et parietes. quem uereor? non uidet altissimus, non ad eum nostra peccata perueniunt, non dignatur spectare quae turpia sunt\'. haec utique usu exemploque cognoscimus: nemo enim potest esse expers temptationis.