Expositio Psalmi CXVIII

cognoscit, quod neque peccator poenam suae improbitatis euadat neque iustus aequitatis suae praemiis defraudetur. retexit enim animo, quod ab initio Adam propter mandati caelestis praeuaricationem de paradisi eiectus sit incolatu et Cain parricidalis sceleris pretium diuinae sententiae auctoritate damnatus exsoluerit, quod Enoch propter deuotionem raptus ad caelum terrenae malitiae uirus euaserit, quod Noe propter iustitiam diluuii uictor generis factus superstes humani sit, quod Abraham propter fidem seminarium posteritatis suae toto orbe diffuderit, quod Israel propter laborum tolerantiam populum credentium proprii nominis signaculo consecrauerit, quod ipse Dauid propter mansuetudinem regali honore donatus senioribus fratribus antelatus sit, quod Helias propter zelum dei curru eleuatus in aerem caelestis sedis hospitium noui generis adquisierit incolatu.

Haec qui nouit retexere, habet unde gratiam suae consolationis adquirat, et contra qui non nouit, non habet unde consoletur. quapropter custodiamus iudicia dei, quia iudicia dei uera sunt, sicut habes: iudicia dei uera, iustificata in semet ipsa, desiderabilia super aurum et lapidem pretiosum et dulciora super mel et fauum.

etenim seruus tuus custodit ea. custodienti igitur dulcia sunt diuina iudicia, neglegenti autem ea amara esse non dubium [*]( 7 cf. Gen. 3, 24 8 ct. Gen. 4,11—12 10 cf. Gen. 5, 24. Sap. 4, 11 11 cf. Gen. 6, 9 sqq. 12 cf. Gen. 22, 17—18 13 cf. Gen. 32, 28 15 ct I Reg. 16, 11 sqq. 16 cf. IV Reg. 2,11 22*Ps. 18,10—12 ) [*]( 1 me om. N 2 informatas Ov 3 exemplo G, add. plus codd. praeter 0 4 exempla et scripsi eximit ARm2 exemit Rml et eximit Pm2 ex semit Ptnl ex semet Mm1NT et exsemet Mm2v et ex semet ipso (ipsomS) 0 et semperGa 6 defrudetur Mml pretexit 0 8 paradysi AMN erectas « chain AR kain M caim O parieidalis a 9 exoluerit a 10 uirus malitiae M 12 sit om. MN 13 israhel P 16 datos R 17 curru] add. igneo Gm2 Tm2 18 incolatum R 20 e contra MNOa qui non nouit-21 custodiamus iudicia . dei Tm2a,om. cet. v 21 alt. dei iudicia O sunt-22 uera om.a 24pretiosum]aid. multum MNO )

Sed quis nostrum huiusmodi, ut se diuinorum iudiciorum serie consoletur ? terribilia sunt peccatoribus etiam humana iudicia; quanto magis diuina formidini sunt! denique ut hoc illa quae aeterna sunt colligamus exemplo, uidemus in hoc saeculo innocentes laetos ad iudicium festinare, odisse moras, celeritatem affectare iudicii, reos autem refugere et pauere, differre, uitare, maestificari denique, cum diem iudicii audierint constitutum. beatus itaque ille qui illud caeleste iudicium laetus expectat; scit enim sibi regnum caelorum, angelorum consortium, coronam quoque bonorum repositam esse meritorum.