Expositio Psalmi CXVIII

Maledicti, inquit, qui declinant a mandatis tuis. supra dixerat ne abscondas a me mandata tua et ideo quasi reuelata sibi mandata cognoscens condemnat eos, qui declinauerint a mandatis caelestibus. et bene dixit \'qui declinant\'; directum enim mandatum est, ideo ab eo nemo deflectat.

Mouet autem, qua ratione hic dixerit: ne abscondas a me mandata tua. quod enim absconditur, obscurum fit et occultum, cum supra dixerit: mandatum domini lucidum, in luminans oculos. si lucidum mandatum, quomodo absconditur, cum lucernam nemo ponat sub modio ? nisi forte lucidum est unum mandatum, multa autem mandata abscondita sunt. nam iudicia tua, inquit, sicut abyssus multa: non \'iudicium sicut abyssus\', sed \'iudicia\' dicuntur.

Uide autem ordinem. supra ait: ne repellas me a mandatis tuis, in sequenti ait: ne abscondas a me mandata tua, hic ait: maledicti qui declinant a mandatis tuis. uere maledicti qui declinant a mandatis tuis, qui referre gratiam debuerunt, primo quia non sunt repulsi, secundo quia non abscondi a se diuina mandata meruerunt. declinat ergo aliquis quod optauit. [*](4 cf. Iae. i, 6. IPetr. 5.5 11.14.26 P < 118, 21 12.16.25*Ps. 118,19 18*Ps. 18, 9 20 cf. Matth. 5, 15 22*Ps. 35, 7 24 Ps. 118, 10 ) [*]( 1 fariseus AP 2 tamen om. GMNOPRmla exinit] add. 0 MNTa 5iis u 7 paaperiores 0 dispiciamus GRml 11 inquid Mm1Pm1, om.O 13 reuelator Rm1 14 declinauerint] declinant 0 15 enim] ergo M ab eo om.MN nemo] atld. nostrum 0 16 moneat Pm] hoe R 21 sunt abscondita MN 25 sequentibus v ait] autem MNT 30 obtauit MP )