Expositio Psalmi CXVIII

Incipit littera \'Sin\', quae Latine dicitur \'super uulnus\'. super uulnus quid est nisi medicamentum, quo uulneris acerbitas mitigatur? super uulnus oleum infunditur, ut omnis uulneris molliatur asperitas; super uulnus malagma, super uulnus alligatura, quibus omne uulnus fouetur.

ubi ergo spes refundendae est sanitatis, ibi adhibentur medicamenta uulneribus. ubi autem omne caput in dolore et omne cor in maestitia, non est uulnus neque cicatrix, non plaga cum feruore, hoc est: ubi non portio. sed uniuersitas periclitatur et quadam corrupti totius corporis tabe consumitur, ibi non est malagma inponere neque oleum neque alligaturam. multo igitur commodius, ut sit uulnus, quod foueas atque constringas, quam sine uulnere mors serpat interior.

Sed est non solum corporis uulnus. sed etiam mentis, quod oleo quodam mollioris alloquii et pacifici sermonis suauitate mitescit. sunt fomenta uerborum, sunt medicamenta caelestium praeceptorum. quibus omne nequitiae uirus aboletur. sunt legis uincula quae non adurant. sed magis liberent alligatos, et malagma spiritale, quo conlisa animae quaedam membra solidentur. [*]( 12.16* Esai. 1, 5—6 ) [*]( 1 omnia om-Aml nero GMml est] erit P 2 mcendii AGRml sint] add. igitur Mm2N 4 quum P dum Oav facta] futura. GmlMml nihil subscript. in eodd. 7 Incipit littera om.N, add. uigesima prima v sen GO Schin ap, Sein b 8 quid est] quidem A 9 uleeris 0 emolliatur AOv asperitas molliatur Na 10 alt. nulnus] uulnera 0 a quibus a 11 refun- deuda O 12 adhibetur APm1 15 sed om.0 uniuersitatis O quaedam GMRav corrupti seripsi eorruptio codd. av 18 eommodius] add. est a 21 alloquis A alloquiis G pacificis AGBml 24 liberant GM et] estOv)