Expositio Psalmi CXVIII

a me recessisti, quia ego cracem tuam non suscepi ut mundi redemptionem, sed ut noxii damnationem. qui autem receperunt sicut salutis auctorem, in meridie sunt; illis luces, illis refulges, illis calet gratia tua sicut meridies. mihi matutinus eras cum adhuc crederem, sed non credebam plene. quia non sum inuenta in meridie sicut Ioseph cum fratribus suis, qui cenabant meridie. illis meridies factus es, qui pascuntur in diuitiis tuis et in te sperant. ideo, ut dixit Dauid, deduces eorum iustitiam tamquam lumen et iudicium eorum tamquam meridiem. [*]( 2* Cant. 3, 4 4 cf. Cant. 5, 1 (4, 16) 5*Cant. 1. 7 (6) 8 cf. Ps. 118. 61 10 .15*Cant. 1, 7 (6) 12 cf. eant. 3, 1 16 cf. Ps. 9. 22 (10. 1) 23 cf. Gen. 43,16 24 cf. Ps- 36, 3 25 cf. Ps. 36. 6 ) [*]( 1 quem] quae A 2 quae] qui P R dixit N diligit MS 3 pr. eum] enim M derelinquam 0 6 .7 quur APR dicis post cur tr. 0 7 demisisti Rml patrem A 8 fidem 0 credulitatem. quem 0 9 perfidiae] perdie Mm1 per diem NT 11 esse om. MXT tenet Oa 12 in noctibus eum MN inquid MP m1 mihi inquit OR 14 tantam T praerogatiua A. praerogatiuae NM2 Pm1 16 proprior Am1 prior N 19 recepenmt] add. te, domine v 22 quia — in meridie om. AGmlMNOPTml inuentus G 23 qui post Ioseph tr. a cenabat Aa alt. meridie AGmlN Pml factusj es meridies 0 24 et ideo 0 25 deducis APT J )

Quaeris ergo tamquam aliena. quae proxima eras. tamquam pauper, quae diues fuisti. uis sequi quae praecedebas; atque utinam uel sequaris quos praecedere debuisti! mercennaria esse desideras quae ante mercennarios colligebas; mercennariae utique uox ista dicentis est: ne forte fiam circumamicta super greges sodalium tuorum. quae proselytos ex gentibus ante suscipiebas. nunc ipsa in nationibus uis pro proselytis suscipi et tamquam aduena congregari.

Respondet Iesus: nisi noscas te decoram inter mulieres. quid est se noscere, nisi ut sciat unusquisque hominem ad imaginem et similitudinem dei factum, rationis capacem, qui terram suam excolere tamquam bonus agricola debeat aratro quodam et falce sapientiae, ut uel dura findantur uel luxuriantia recidantur, qui inferiorem sui portionem animi imperio debeat gubernare?

unde etiam in Lege scriptum est: adtende tibi. ne fiat uerbum absconditum in corde tuo. tibi, inquit, adtende; non utique dicit pecuniae tuae, non possessionibus tuis, non uiribus corporis, sed animo tuo ac menti tuae, unde omnia consilia, facta cogitationesque manant. tibi ergo adtende ibi, ubi potiorem esse te nosti. nosce te ipsum. quod Apollini Pythio adsignant gentiles uiri, quasi ipse auctor fuerit huius sententiae, cum de nostro usurpatum ad sua transferant et longe anterior Moyses fuerit. qui scripsit librum Deuteronomii, quam philosophi qui ista finxerunt.