Expositio Psalmi CXVIII

Ignis ergo hic sermo Christi est, et bonus ignis qui calefacere nouit, nescit exurere nisi sola peccata. hoc igne super bonum fundamentum positum apostolicum illud aurum probatur, hoc igne illud merum operum examinatur argentum, hoc igne pretiosi illi lapides inluminantur, faenum autem et stipula consumitur. mundat ergo hic ignis animum. consumit errorem.

unde et dominus ait : iam uos mundi estis propter sermonem quem locutus sum uobis. hic est ignis qui ardet ante dominum; nisi enim quis flagrantiam deuotionis adsumpserit, praesentiam domini habere non poterit. accende hunc prius ignem in mentibus tuis, ut Christi tibi lumen effulgeat.

hoc igne urebatur rubus et non exurebatur; urit enim sermo unus, ut corrigat conscientiam peccatoris, non exurit, ut perdat. hic ignis hebetare, hic ignis extinguere materialium saeua flammarum consueuit incendia; denique Hebraei hoc igne succensi fornacis ardentis uaporem nec timere nec sentire potuerunt. merito ergo bonus seruus diligit ignitum domini alloquium quo induitur caritas, quae excludit timorem.

Pulchre autem addidit \'nimis\', quia omnis quidem doctor inflammat audientis affectum, sed supra omnes sermo est dei, diuisiones artuum et intima penetrans medullarum. tripliciter ergo describe tibi ignitum alloquium dei, uel quod mundat uel quod accendit uel quod inluminat audientes. ideo ait dominus: [*]( 3*Luc. 24, 32 6 cf. I Cor. 3, 12-13 11 loh. 15, 3 12 ct Leu. 6,12 15 cf. Ex. 3, 2 19 cf. Dan. 3, 50 21 cf. I Ioh. 4.18 23*Ps. 118, 140 24 cf. Hebr. 4, 12 ) [*]( 1 uaporantiO cleopas 0 cod. JImUJc. 256i CIeophas cet. av 2 inj ad ha 3 cum facerent M 7 posito a illud apostolicum v hoc—8 argentum om. 0 8 merum υ morum codd. a, add. uel ΜΝΡΤα igni A 9 feoum OMNOPv lOhoc Jml 13 sumpserit a 14 primum Na 17habitare AGMmlRmlBTa, add. christum per fidem facit Tm2a 21 eloqumm ΜΝΟμ 24 est sermo AMav domini estO 25 artium Om1 26 describe tibij deseri- bitur GM ignitam om.0 adloquium P eloquium ,« 27 ali. quod om.O )

Nec mireris, si seruus diligit ignitum domini alloquium, quod et sponsa dilexit, quae ait: sicut resticula coccinea labia tua; in cocco enim species ignis et crucis dominicae sanguis inrutilat. coccinea labia domini, quae passionem propriam loquebantur.