Expositio Psalmi CXVIII
Ambrose, Saint, Bishop of Milan
Ambrose. Sanctii Ambrosii Opera, Pars Quinta (Corpus scriptorum ecclesiasticorum Latinorum, Volume 62). Petschenig, Michael, editor. Vienna; Leipzig: F. Tempsky; G. Freytag, 1913.
Et Moyses ait: transiens uidebo hoc uisum magnum. etenim ut deum uideret, progressione quadam uirtutis ad altiora processit. pastor erat ouium et dux factus est ciuium. et ad sponsam dicitur in Canticis: speciosi facti sunt gressus tui in calciamentis, filia Aminadab. moduli femorum tuorum similes torquibus opere artificis. non est dubium gressus hic quoque ecclesiae uel animae profectus significari: quam speciosi sunt pedes euangelizantium pacem, euangelizantium bona!
utique speciosos dicit euangelicae praedicationis et disputationis progressus, ut alibi dicitur: transgredere flumina. hoc est: fluentia et lubrica istius mundi transcurre stabili mentis incessu. quod de animae gressu dici in posterioribus hic ipse Dauid euidenter ostendit, adserens quod torrentem iniquitatum sua anima transisset.
Sed reuertamur ad sponsae gressus. quid sibi uult quod addidit in calciamentis speciosos gressus esse ecclesiae? legimus itaque dictum ad Moysen: solue calciamentum pedum tuorum, quo uidetur admonitus, ne corporalibus uinculis teneretur adstrictus. ergo speciosam significat in Canticis animae pulchritudinem, quae carne tamquam calciamento utitur et in ipso calciamento inpedimentum non patitur, sed incessus decore praecellit. calciat se ergo carne anima [ecclesiastica gratia].
ut cursum uitae huius et transitum cum decore praetereat. quod fit, si calciamentum [*]( 1∗Ex. 3, 3 4*Cant- 7, 1 8* Esai. 52, 7 ll*Esai. 47, 2 14 cf. Ps. 123, 5 18*Ex. 3, 5 ) [*](def.A) [*]( 3 ulteriora GMOv 5 filionim MNTa 6 similis Nm1 Rm1 open Pm2 operae Engelbrecht 7 quoquej add. sanctae 0 8 progressus 0 significare P quam] quia M sunt om.M pedes suntNRav 9 euangetizantium pacem om.P 10 praedicationes Rml et om. 0 disputationisque gressus 0 13 gressibus Mm2NPTa dicit GRa 14 iniquitatem Rml 15 transiret Mm2NTa 16 reuertamus O addidit] ait NPTa 17 speciosus Jf esse gressus v est M, om.a itaque] fori. utique 18 dictum) add. esse 0 19 nec Rml adstrictus teneretur 0 20 igitur 0 21 carnem Rml in ipso calciamento om.P calciamento om.NTa 22 impedimento 0 incensus Rml 23 ergo se GOv carnem GOPmlRmlv camis MNTa anima] add. uel Tv ecclesiasticam 0 ecclesia v gratiam OPmlRv ecclesiastica gratia deleut ) [*]( LXII. Ambrus. Pars 5. Petschenig. ) [*]( 25 )