Expositio Psalmi CXVIII

Humiliauit enim et ipse se Christus, ut nouum conderet testamentum. cum lego euangelium, audio filium dei carnem sumpsisse de Maria, uideor mihi cum Christo ipse descendere. lego enim eum, qui cum esset in forma dei semet ipsum exinaniuit, exinaniuit autem, ut formam serui acci- Peret, et specie inuentus ut homo humiliauit se usque ad mortem, lego dicentem: qui se exaltauerit humiliabitur, lego dicentem: uenite ad me omnes qui laboratis et onerati estis, et ego uos reficiam. tollite iugum meum super uos et discite a me, quia mitis sum et humilis corde.

non dixit: \'discite a me quia potens sum\', non dixit: \'discite a me quia gloriosus sum\', sed: discite a me quia humilis s u m, quod potestis imitari. nolite uos extollere, nolite exaltare cor uestrum. docuit me ergo humiliari et inclinare cor meum ad faciendas iustitias, non ad iniquitatem, sed ad aequitatem inclinare propter retributionem. retributio regnum caelorum et paradisi est incolatus. [*]( 3 cf. Rom. 8,7 4 cf. II Cor. 10.5 6 cf. Col. 2,18 9 cf. Matth. 1,16 ll*PiuJ. 2, 6—7 14 Matth. 23,12 15»Matth. 11,28—29 21 cf. Ps. 130,1 22 cf. Ps. 118, 112 ) [*]( 3 conuerteris a subiecta a 4 extollente-sensu Oa 5 et A, om. eet. av contuituque av inflectitur 0 6 frusta M 9 assumpsisse 0 11 in forma dei esset NRav 12 acciperit Bml 14 lego] add. eum a enim v qui se-15 dicentem 0 d codd. Mediolanenses, om. cet. 16 honorati Mml honerati Mm20R 17 reficiam nos NOav tollite—nos et om. a 19 corde ont.0 20 pr, a me om.NPa sed] add. dixit M aU. a me om.J/a humilis] mitis 0 21 imitare Pml extollere uos Nav 22 cor] cornu Mm2N Ta (Ps. 74, S); at e/. p- 221,27 ergo me ANav 24 paradysi AMNPB 25 nihil subscript. m codd.)

\'Samech\' incipit littera quinta decima, quae interpretationem habet \'audi\'. est et alia eius interpretatio quae dicitur \'firmamentum\'. quid est \'audi\'? non otiose dicitur quod commune est omnibus et suppetit uniuersis ipso iure naturae. et ideo non est otiosum, quod admoneris ut audias, cum etiam inuiti et aliud agentes sonum tamen aut uocem audire solemus. sed quia non est solum audire hoc quod suppetit officio naturae, sed etiam illud quod maius est, ut audias non usu tantum corporis quantum intellectu mentis, ideo diligentius considera istius litterae interpretationem seriemque uersuum qui secuntur.