Expositio Psalmi CXVIII

sub lege esset se exhibuit, cum sub lege non esset, ut eos seruaret qui sub lege uiuebant. infirmis infirmis factus est, ut infirmos adsumptione infirmitatis propriae sustineret: omnibus omnia factus est non legitima necessitate, sed uoluntatis obsequio. aperuit mihi huius altitudinem consilii in epistula ad Philemonem scripta, quia quod ipse esset alium esse uellet, ut uoluntate potius quam necessitate detulisse domino uideretur.

I itaque pro Onesimo interueniens sic ait: tu autem illum ut mea uiscera suscipe; quem ego uolueram mecum detinere, ut pro te mihi ministraret in uinculis euangelii, sed sine consilio tuo nihil uolui facere, ne uelut ex necessitate bonum tuum esset, sed uoluntarium. quam sedulus suasor. qui cum esset uas electionis diuinae, consortium consilii non

dedignabatur alieni, ne alterum fructu uoluntatis propriae defraudaret! recte ergo Dauid ait quasi propheta: uoluntaria oris mei conproba, domine, oris sui offerens domino sacrificium uoluntarium, eo quod ut apis illa prophetica bonos flores colligere ore consueuerit, fauos ore fingere, mella ore conponere et ex herbis suauibus ore filios legere, quae, cum sit, inquit, robore infirma, sapientiae praedicatione substantiae suae producit aetatem. quod sit istud uoluntarium oris sacrificium, recognosce: imola deo sacrificium laudis.

Expectat dominus uoluntarios ministros. denique in libro Esaiae dicit dominus: quem mittam? utique seruulo suo poterat imperare, quem dignum qui mitteretur inuenerat, sed [*](2 cL I Cor. 9,21-22 10*Phiiem. 12-14 16 cf. Act. 9, 15 18*Ps. 118,108 22 cf. Uerg. Georg. 4,200. Ambros. Hexaem. V 21, 67 *Prou.6,8° 25 Ps. 49,14 28 Esai. 6, 8 ) [*](1 factxis est 0 2 lucrificaret 0 lucraret PmlR iis v tenebanturO 4 mfirmioribus 0 5 assumptionem A 7 epistola codd. au 14 facere uolui MNBav 18 ergo om.N 19 deo R 20 ut om.MN apes NPm2KaTa 21att. ore] ora A 22 erbis 31 suauibus herbis N filios] flores GMNOla 24 quid AR iilud M 25 immola] add. inquit av 27 uoluntarius Jlml 29 maluit] add. enim AR )