Expositio Psalmi CXVIII

et si clausam ianuam inuenerit, pulsat, et si per moram fuerit exclu--sus, recedit. sed cito redit et iterum pulsat, ut uel postea sponsam inueniat praeparatam. potest quidem et sic accipi: frater meus transiuit, sicut legimus, quod penetrauit dilectae intima medullarum, et quemadmodum ad Mariam dictum est: e t tuam ipsius animam pertransibit gladius, ut reuelentur multorum cordium cogitationes. [*](7»Cant. 5, 4-5 13*Ioh. 10, 38 16 cf. Col. 2, 9 20 cf. Rom. 8, 13 21*11 Cor. 4, 10 26*Cant. 5, 6 28*Luc. 2, 35 ) [*](1 corporis AGMORv 2 eum om.GMNPTa 3 somnulentus A repagulia] add. grintilin s.l m2M 4 neglegens sia NPav 9 exurrexi GMa et surttcd 0 ergo a 10 miiram OB 11 mirra R a] de NTa 20 istius a mortis fiet Aml 22 ergo dum aperit om-0 23 fcransit MNa 24 inuenerit ianuam Nav 26 siquidem Pml 27 transibit OM R 28 quemammodum N )

Explanauimus igitur, ut potuimus, quid esset: in aeternum, domine, permanet uerbum tuum in caelo. possumus tamen et sic intellegere, quia in caelo magis permanet in aeternum, ubi angeli et archangeli, Cherubim et Seraphim, quoniam homines quamuis sancti sint, tamen affectus eorum saepe mutatur. nunc gaudemus, continuo maeremus irascimur ingemescimus.

in ipsa paenitentia non uult nos satis contristari apostolus, ne tristitia absorbeamur. ubi ergo iracundia, ubi tristitia grauis, non permanet ibi uerbum. denique de solo domino Iesu dictum est a Iohanne, quia uidit spiritum descendentem de caelo sicut columbam et manentem super eum.

nam et prophetae non semper prophetabant, sed cum infunderet his spiritus gratiam prophetandi. denique nec Dauid praesciuit quid adnuntiaret Nathan missus a domino, et utique inferior Nathan propheta cognouit quod Dauid praestantior nesciebat, et alius dixit propheta: celauit me dominus.