Expositio Psalmi CXVIII
Ambrose, Saint, Bishop of Milan
Ambrose. Sanctii Ambrosii Opera, Pars Quinta (Corpus scriptorum ecclesiasticorum Latinorum, Volume 62). Petschenig, Michael, editor. Vienna; Leipzig: F. Tempsky; G. Freytag, 1913.
Non reueritus esses angelorum praesentiam, si praesentes esse crederes ? non metueres non dicam facere, sed loqui aut etiam cogitare quod prauum est, si tibi scriptura diuina suasisset, quia deus cogitationum arbiter, secretorum testis est uerax, sicut ipse ait: estote mihi testes, et ego testis, dicit dominus deus, et puer meus quem elegi? hominem uereris praesentem, dei patris et filii non uereris praesentiam ? sed non uis credere, ne possis cauere; non uis audire, cum legitur. quia deus nouit occulta hominum, ne incipias scire quod timeas et timere ne pecces. audi ergo scripturam diuinam, ut conuertaris a uia praua et maligna.
noli, sicut caecus oculis corporalibus aut sicut surdus, qui eo, quod non potest uidere aut audire praesentes, solum esse se credit et in plurimorum coetu, dum putat nullum esse praesentem, perpetrare adoritur quod arbitratur esse secretum — non enim potest uidentes uidere qui non uidet —, similiter et tu mentis caecatus oculis noli aestimare quod sine teste delinquas. quia hominis praesentiam declinare potuisti; plures sunt qui redarguant quam quos cauere potuisti. ipsum te fugere tui accusatorem non potes, quem conuenit propria conscientia, et si negas aliis, tibi non negas, et si homini infitiaris. deo fateris, et si uolueris negare, tuae te cogitationes reuincunt.
Heliseo adsistebant angeli quos uidebat, et ideo agmina [*]( 2*Eccli. 23,18(26) 9*Esai.43, 10 13 cf. P.>. 43. 22 14 cf. Hier. 33 (26). 3 26 ct. IV Reg. 6, 15-17 ) [*](1 an addidi (merita = delicta) 2 in om. A. 5 hic talis non Tm2 reueritusO cod. Casiu. 154av reueretur AGm2MNm2PRT (ueretur in ras.) reuertetur Gml Nml esses 0 cod. Casin. 154av esse AGPRT, post angelorum tr. MN 6 pr. non] nonne Rm2 7 diuina scriptura Nav 11 uerere bis G 15 mala et praua G mala et praua et maligna MN caecus] add. esse Gm2Tm2 16 surdus] add. auribus Gm2Tm2 in eo G autj nec a, om. MmlN 17 se esse 0 18 ador- tatnr APR adoriatur Gm2MNT securam N 19 potest enim av uidere uidentes M uidere om. N 20 ex»stimare (i eras.) O 21 redarguunt a 22 figere Rml 23 pro propria M 25 te om. MmlN eogitationis Gml 26 et- p-12, 1 uidebat om. N agmen Rm2 hostium agmina 0: )