Explanatio Psalmorum XII

Quo fit ut non timeamus, cum terra nostra turbatur et transferuntur montes, quia si tu pro nobis, quis contra nos? timere non possumus fragilitates istius carnis, quae timore ac metu frangitur, inflammatur cupiditatibus, luxuria mollitur, deliciis eneruatur, uaporatur febribus, dolore uexatur, exanimatur angustiis.

uel cum transferuntur illi montes in cor maris, de quibus dixit sal- \'uator: si habueritis fidem sicut granum sinapis, non solum de ficulnea facietis, sed etiam si monti huic dixeritis: tollere et iactar-e in mare, nihil inpossibile erit uobis. misit se hic mons in cor Iudae et mentem eius graui tempestate turbauit diuersarum exagitans fluctibus passionum.

sicut enim terrarum fertilitati fecunda bonis operibus et deuotionis ac fidei fructibus anima comparatur, ut odor Iacob sicut odor agri pleni, ita etiam procellosi maris inquietudine figuratur anima eius, qui quietus esse non nouit et amaris cogitationibus excitat graues fluctus. denique nec osculo foUO dominus Iesus Iudae proditoris amaritudinem temperauit. suscepit osculum proditor, infudit uenenum, mortem inrogauit, cuius aculeum quidem Christus obtudit, sed solus proditor non euasit.

et ut euidenter montem huiusmodi nobis manifestaret, alibi quoque, cum daemonium ab homine iussisset exire, apostolis interrogantibus, qua causa illud ipsi eicere nequiuissent, ait: non eicitur hoc genus nisi in oratione et ieiunio, et addidit: si habueritis fidem sicut granum [*]( 5 .10 cf. Ps. 45, 3 6 cf. Rom. 8, 31 11 *Luc. 17,6 14 Matth. 17,19 d. Luc. 22, 3 18 cf. Gen. 27,27 21 cf. Luc. 22,48 23 cf. I Cor. 15,55 26 *Matth. 17, 20 28 *Matth. 17, 19 ) [*]( 6 transferantur DF 7 fragilitatem C 9 examinatur Cml 11 synapis D 12 si om. A 13 huic** A 16 fluctibi (sic) C 18 odor sicut B 19 inquietudini Afi anima eius] animus F et in mg. a 22 infundit Cml 23 obtundit a oculuit D (culu in ras.) F 25 iussisset exire ab homine fJ 26 nequiuissent eicere fl )