Explanatio Psalmorum XII

Sequitur: quare faciem tuam auertis? auertere a nobis deum faciem suam putamus, quando sumus in aliquibus afflictionibus constituti, ut tenebrae nostro offundantur affectui, quibus impediti fulgorem ueritatis oculis nostris haurire nequeamus. etenim si in nostrum deus attendat ingenium et nostram mentem [*]( 2 cf. Ion. 1,15 8 cf. Eccli. 32 (35), 2 13 cf. II Cor. 5, 6 .8 17 *Ps. 88,39-40 20 *Ps. 88, 42 22 cf. Ps. 88,46 23 cf. Ps. 88, 53 25 Ps. 43. 25 ) [*]( 1 affectus a 2 ergo] enim fiav 7 infundit B infundens fJav 11 ergo est F indormire fJ 12 iis av resurrexit v reaulit C repellit fJav 15 alt. in] ut BC ut in (i carnis BC sed ut spiritus BC adhaeremus DF 16 et octauo om. Cml 17 repulisti Eav nihilo] add. dominum BC domine (tv 19 pro] in BCpv 21 gloria F 23 sustuJit) add. et a 26 dominum F 29 intendat fJ )

etenim si uultus hominis ceteris membrorum partibus plus refulget et quemcumque intuemur uel incognitum agnoscimus uel cognitum recognoscimus, quem aspectus noster latere non patitur, quanto magis dei uultus quem spectat inluminat! de quo, ut cetera eius sunt, ita et hoc praeclarum sancti apostoli qui uere interpres est Christi, ut aptiore eum sensu et sermone nostris infunderet mentibus.

unde ait: quoniam deus, qui dixit de tenebris lumen splendescere, inluxit in cordibus nostris ad inluminationem scientiae claritatis domini in facie Christi Iesu. ubi igitur in nobis reluceat Christus, audiuimus. est enim fulgor aeternus animorum, quem ideo pater misit in terras, ut in eius inluminati uultu aeterna et caelestia spectare possemus, qui ante terrena caligine tenebamur.

quid de Christo loquar, cum etiam Petrus apostolus dixerit ad illum claudum ex utero matus suae: respice in nos? qui respexit in Petrum et fidei inluminatus e: t gratia; neque enim accepisset remedium sanitatis, nisi fideliter credidisset.

unde, cum tanta gloria esset in apostohs, audiens transire dominum Iesum Zachaeus ascendit in arborem, quia exiguus et pusillus in turba eum uidere non poterat. uidit Christum et lumen inuenit, uidit eum et qui ante aliena rapiebat sua contulit. merito ergo dicunt isti: quare faciem tuam auertis?