Explanatio Psalmorum XII

Ceterum quod ait: uentilasti nos, etsi uerbo distat, sensu congruit. sicut enim illi qui dispersi sunt probati, ita etiam qui uentilati sunt ad probationem peruenire meruerunt. sicut enim triticum uentilatur et a paleis separatur et mundum est, si autem uentilatum non fuerit mundum esse non poterit, sed extat paleis concretum atque permixtum, ita etiam homo, nisi temptationibus fuerit uentilatus, fragilia quaeque uel paleas a se non potest separare.

unde etiam ad Petrum dictum est: Simon, ecce satanas expostulauit ut uentilet uos sicut [*]( 4 cf. Ps. 18. 6 9 Ps. 18, 7 11 cf. Ex. 19, 3. 34, 2 14 *Ioh. 3, 13 17 *Hier. 23, 24 20 Aquila. et Symmachus Ps. 43, 12 27 *Luc. 22,31—32 ) [*]( 3 eorum BCfi 4 gigas Amzpav percurrit aa 5 esse iam Fml 6 ut om. BCml isti] usu a 11 uix post montis tr. fia . syna C synae {l Sinae av 12 ortatus ACm2 oratus BCml 19 sunt Ca 21 probati] add. sunt Bm2Cv 23 triticum] add. si Bpav ali. et om. Bav, eras. E 24 sed extat Cm2v sed est aA sed est (del.) sed estat B sed estat Cml sed est fla 25 permistum v homo nisi] homini si DEmlF 26 non fuerit Fm2 uelut B ueluti au 27 symon a 28 sathanas aDF ) [*]( 19* )

denique fleuit et paleas suas lauit et illis temptationibus meruit, ut pro se Christus interueniret. quanto maius est patrocinium quam perturbationis illius temptamentum! et ideo plus quam passus est adquisiuit; adquisiuit enim Christum sibi patrocinantem. cogitur autem aduersarius sanctos domini ad sua damna temptare; dum enim temptat, meliores reddit, ut qui temptatur possit et alios instituere, qui sibi ipse inualidus uidebatur.

denique Petrus ecclesiae praeponitur, postquam temptatus a diabolo est. ideoque ante significat dominus, quid sit illud, quod postea eum pastorem elegit dominici gregis. nam hic dixit: tu autem conuersus confirma fratres tuos. conuersus est ergo sanctus apostolus Petrus ad bonam frugem et uentilatus est sicut triticum, ut esset ipse cum sanctis domini unus panis, qui nobis esset alimentum. dum enim Petri actus legimus, Petri praecepta cognoscimus, fit nobis uitae aeternae et salutis alimentum.