Explanatio Psalmorum XII

Ambrose, Saint, Bishop of Milan

Ambrose. Sanctii Ambrosii Opera, Pars Sexta (Corpus scriptorum ecclesiasticorum Latinorum, Volume 64). Petschenig, Michael, editor. Vienna; Leipzig: F. Tempsky; G. Freytag, 1919

Quales autem pueri, tales et ephebi, hoc est spiritales. nouit scriptura adulescentem Paulum iam proximum conuersioni, nouit et, Eutychum adulescentem, qui cum sermonibus Pauli intentus haereret, somno uictus de tritecto cecidit et resurrexit, nouit et Iohannem adulescentem in Christi pectore recumbentem, qui tam fortis fuit, ut persecutionem non timeret, malum uinceret.

hic est [*]( 1 *I Ioh. 2, 14. 13 8 cf. Esai. 8, 4 10 *Esai. 9, 6 12 *Matth. 19,14 14 *Matth. 18, 3 22 cf. Act. 7, 58 23 cf. Act. 20, 9-12 25 cf. Ioh. 13, 23 ) [*]( 1 ioannes BE (av) 2 scribo uobis iuuenes — 3 malum post ait tr. B 3 fratres B 4 eum om. BCml 5 ita- om. fJ patres ACav 7 puer est fJav 8 isti sunt pueri ex illo puero DEm2F 9 damasi A, om. BCml 10 filius — 11 nobis om. A filius] add. qui v 11 prineipatus pav humerum Cml 12 sinite pueros et nolite eos prohibere v 21 effebi « 22 . 23 . 25 adolescentem ACfiav 23 euticum A heuthicum B heuticum C euthicum {ł Pauli om. (t 24 haereret] haberetur (3 25 ioannem B (av) 26 hoc Bml )

112
puer, qui patrem genitalem reliquit, secutus est patrem eum quem cognouit aeternum, adulescens amictus sindone dominum sequebatur tempore passionis, qui sua omnia dereliquerat, maturior deum uerbum in principio ipso semper fuisse atque esse cognouit et manere in se probauit.

Uiros quoque scriptura nos docuit spiritales Agabo propheta dicente: uirum hunc cuius est zona haec sic alligabunt Iudaei in Hierusalem, et Festus ait: uir quidam est relictus a Felice in custodia. ante passionem suam Paulus adulescens dicitur, in passione sua uir significatur, qui cursu consummato esset iam proximus ad coronam.

Cognouimus aetates pro fide et deuotione certantes. cognoscamus etiam genera certaminum singulorum. haec quoque scripturae nos doceat tenor. in hoc itaque saeculari agone alii sunt qui simplici quodam et legitimo genere luctantur et ligaturis tantum corporis certant, uerberare non norunt, qui palaestae uocantur, alii qui caedem et pulueris iactum membrorum nisibus miscent omni sibi uerberandi iure permisso, quos pammacharios uocant, eo quod omnis litis et pugnae aduersum se habeant potestatem, alii qui caestibus aduersum se decernunt et dilaceratis capitibus cruciantur; hi pyctae feruntur.