Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. Mansuri compos decoris per saecula rector,
  2. deuictae referens primus cognomina terrae,
  3. securus sceptri, repetit per caerula Romam
  4. et patria inuehitur sublimi tecta triumpho.
  5. ante Syphax feretro residens captiua premebat
  6. lumina, et auratae seruabant colla catenae,
  7. hic Hannon clarique genus Phoenissa iuuenta
  8. et Macetum primi atque incocti corpora Mauri,
  9. tum Nomades notusque sacro, cum lustrat harenas,
  10. Hammoni Garamas et semper naufraga Syrtis.
  11. mox uictas tendens Carthago ad sidera palmas
  12. ibat et effigies orae iam lenis Hiberae,
  13. terrarum finis Gades ac laudibus olim
  14. terminus Herculeis Calpe Baetesque lauare
  15. solis equos dulci consuetus fluminis unda,