Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Latonae venerande nepos, qui mitibus herbis
  2. Parcarum exoras pensa brevesque colos,
  3. Hos tibi laudatos domino, rata vota, capillos
  4. Ille tuus Latia misit ab urbe puer;
  5. Addidit et nitidum sacratis crinibus orbem,
  6. Quo felix facies iudice tuta fuit.
  7. Tu iuvenale decus serva, ne pulchrior ille
  8. In longa fuerit quam breviore coma.