Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Miraris veteres, Vacerra, solos,
  2. Nec laudas nisi mortuos poetas.
  3. Ignoscas petimus, Vacerra: tanti
  4. Non est, ut placeam tibi, perire.
  1. Quanta quies placidi, tantast facundia Nervae,
  2. Sed cohibet vires ingeniumque pudor.
  3. Cum siccare sacram largo Permessida posset
  4. Ore, verecundam maluit esse sitim,
  5. Pieriam tenui frontem redimire corona
  6. Contentus, famae nec dare vela suae.
  7. Sed tamen hunc nostri scit temporis esse Tibullum,
  8. Carmina qui docti nota Neronis habet.