Epigrammata
Martial
Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.
- Qui sollemnibus anxius sepulti
- Nomen non sinis interire Blaesi,
- Et de munifica profusus arca
- Ad natalicium diem colendum
- Scribarum memori piaeque turbae
- Quod donas, facis ipse Blaesianum.
- Hoc longum tibi, vita dum manebit,
- Hoc et post cineres erit tributum.
- Qui Palatinae caperet convivia mensae
- Ambrosiasque dapes, non erat ante locus:
- Hic haurire decet sacrum, Germanice, nectar
- Et Ganymedea pocula mixta manu.