Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Hunc semper Norbana diem cum coniuge Carpo
  2. Laeta colat, primis quo coiere toris.
  3. Hic pius antistes sophiae sua dona ministrat,
  4. Hic te ture vocat, fidus et ipse Iovi.
  1. Vis futui gratis, cum sis deformis anusque.
  2. Res perridicula est: vis dare, nec dare vis.