Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Hos tu seu pariter sive hanc illumve priorem
  2. Videris, hoc dices 'Marcus havere iubet,'
  3. Et satis est: alios commendet epistula: peccat
  4. Qui commendandum se putat esse suis.
  1. Lux tibi post Idus numeratur tertia Maias,
  2. Marcelline, tuis bis celebranda sacris.
  3. Inputat aetherios ortus haec prima parenti,
  4. Libat florentes haec tibi prima genas.