Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Unus de toto peccaverat orbe comarum
  2. Anulus, incerta non bene fixus acu.
  3. Hoc facinus Lalage speculo, quo viderat, ulta est,
  4. Et cecidit saevis icta Plecusa comis.
  5. Desine iam, Lalage, tristes ornare capillos,
  6. Tangat et insanum nulla puella caput.
  7. Hoc salamandra notet vel saeva novacula nudet,
  8. Ut digna speculo fiat imago tua.