Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Pro sene, sed clare, votum Maro fecit amico,
  2. Cui gravis et fervens hemitritaeos erat,
  3. Si Stygias aeger non esset missus ad umbras,
  4. Ut caderet magno victima grata Iovi.
  5. Coeperunt certam medici spondere salutem.
  6. Ne votum solvat, nunc Maro vota facit.