Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Pisones Senecasque Memmiosque
  2. Et Crispos mihi redde, sed priores:
  3. Fies protinus ultimus bonorum.
  4. Vis cursu pedibusque gloriari?
  5. Tigrim vince levemque Passerinum:
  6. Nulla est gloria praeterire asellos.
  1. Nasutus nimium cupis videri.
  2. Nasutum volo, nolo polyposum.
  1. Hunc qui femineis noctesque diesque cathedris
  2. Incedit tota notus in urbe nimis,
  3. Crine nitens, niger unguento, perlucidus ostro,