Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Si tam praecipiti fuerant ventura volatu,
  2. Debuerant alia fata venire via.
  3. Sed mors vocis iter properavit cludere blandae,
  4. Ne posset duras flectere lingua deas.
  1. Mentitur qui te vitiosum, Zoile, dicit.
  2. Non vitiosus homo es, Zoile, sed vitium.
  1. Pierios vatis Theodori flamma penates
  2. Abstulit. Hoc Musis et tibi, Phoebe, placet?